Saturday, May 10, 2008

बुट्टी /अधिकारी योग -- हसवणुक

`हसवणुक' मध्ये पुलंनी माणसाच्या कुंडलीतील काही अनिष्ट ग्रहयोग दिले आहेत. त्यातील एक...


लोकं अशी वागतातच का ते काही समजतच नाही बुवा ?
बहुतेक बुट्टी /अधिकारी योग त्यांच्या मागे लागला असावा.

काहीबाही खोटं ऑफिसचं कारण देऊन स्वत:चं पितळ झाकून ठेवावं, प्रकृती ठिक नसल्याचे कारण देऊन बुट्टी मारावी. ऑफिस मध्ये "बेडरिड्न " अशी तांत्रिक 'चिठठी' पाठवावी. घरातून मात्र नित्याप्रमाणे ऑफिस ला जातो असे सांगून निघावे, आणि तास- दोन तास "सेफ एरीया"त काढून दुपारच्या शो ला सिनेमाला जाऊन बसावे. नेमका आपल्या समोर आपला बॉस बसलेला असतो.

त्याला चकवून नुसती डॉक्युमेंट्री पाहून बाहेर सट्कावे तर काळोखात कुणाच्या तरी पायावर पाय पडतो, आणि "मेल्याचे डोळे फुटले!"असा अतिपरीचीत स्त्रीस्वर कानावर येतो. तो नकळत मंडळातल्या मैत्रिणीं ना घेऊन आलेल्या स्वपत्निचा असतो. कृत्रीम 'काळोखात' तिला दिसले नसले, तरी 'साहेबाने' पाहीलेलं असतं. पण तोही बोलत नाही. कारण इन्स्पेक्शनला म्हणून बाहेर पडून तो ही हळूच सेक्रेटरी पोरीला घेउन आलेला असतो. 
पण आपल्या मागे हात धूऊन लागलेल्या "बुट्टी/अधिकारी" योगामुळे मधल्या मधे आपला सिनेमा बुडतो. पण..
"दारी नोकरी आणि घरी जीव वाचतो ".

१.घरी गेल्यावर पत्नी "मंडळात व्याख्यान छान झालं,"म्हणून सांगते.
२.दुसऱ्या दिवशी साहेब हापिसात ट्रे मधला चहा "शेअर "करु या म्हणून ट्रे पुढे करतो.
३.आणि ती सेक्रेटरी पोरगी आपल्या डब्यातलं सँडविच देते.(हा योग माणसाला दरी पर्यंत नेतो,पण खाली ढकलीत नाही.)

योगावर जन्मलेला "हवालदार" हातभटटी वाली कडे सब-इन्स्पेक्टर सायबाला चुकवून नियमित हप्त्यावरचे चायपानी मागायला गेला,तर त्याला तिथे हटकुन तो "साहेब"पहिल्या धारेची घेताना दिसलाच पाहिजे.
साहेबाला वाटतं हवालदाराने पाहिले;हवालदारला वाटते त्याने.

मग भट्टीवाली "अक्का" दोघां नाही पाजते.आणि चौकित आणून सोडते.तिथे त्या दिवशी नेमका अँटीकरप्शन वाला आलेला असतो.पण तो ही बोलत नाही.कारण "आपल्या तोंडाचा वास मारतो की काय याची त्याला भीती वाटत असते.

मग "आक्का" च्या अध्यक्षतेखाली चौकित........
"साली सगळी पब्लिक हल्ली "हरामी" कशी होत चाललीय," ह्यावर चर्चा होते.
बुट्टी/अधिकारी- योगा मुळे संकट असे हुतुतू करित येते आणि भिडूला न शिवता परत बोंबलत ,कांगावा, करत जाते.

- काही नवे ग्रहयोग 
हसवणूक 

5 प्रतिक्रिया:

मोरपीस said...

पु.लं.ची पुस्तकं मला फ़ार फ़ार आवडतात आणि आपला ब्लॉग तर माझ्यासारख्या वाचकांसाठी मेजवाणीच आहे.

Shaggy said...

Nice blog!! Grea work!! It is always pleasent to read PL's books. Best of luck for further blogging.

Mahesh said...

Great Work!! Keep it up!!
I am one of the Fans of Pu La!!
I really wanted to meet him in person.. but very Unfortunate.. :((

santosh said...

Dhanyawad asech lekh amcha sathi sadar karat raha.

Unknown said...

Khupach chan...mi roj hya blog var bhet deto. Atyanta chan kaam kele ahet apan.