स्वप्नात आले पुलं - (श्रेयस देशमुख)

स्वप्नात आले पुलं
म्हटले हृदय करा खुलं !!

जरा ऐक सखाराम गटणे
त्याची वाचा साहित्य निष्ठेचे उटणे
जरा वाच माझा बबडु
हसुन हसुन लागशील उडु
कसा राजबिंडा आमचा नंदा
सार्या मुलींचाच जणु गोविंदा
रावसाहेबांचे भकार
पण स्नेह दडलेला अपार...
आमची पानवाल्यांची गादी
त्याची बैठक नाही साधी
आमचे पाळीव प्राणी पक्षी
विसरुन जाशिल वामकुक्षी
लय लग्नाची खुमखुमी
वाच असामी असामी

दिनेश ॠग्वेदी असो विनोबा पुरंदरे असोत
एक बैठकीत वाचुन टाक अख्खा गणगोत

जन्माच्या वाटेत आले विघ्न जर आड
तुला रिझवण्यासाठी आहे बटाट्याची चाळ

किती सुंदर सुर गीत गदिमांचे संगती
खळखळुन हसण्यासाठी गुळाचा गणपती

तुला दिले किती किती आहे
अजुन हवे तरी
माझ्या अर्धांगिनी ची साक्ष
"आहे मनोहर तरी"

शेवटी एवढ्याच साठी
माझा सारा हट्टहास होता....
तु हसतच रहावा
इथुनिया जाता‌‌....


- श्रेयस देशमुख
https://shreyash1.wordpress.com